ယတၢ်ခဲလၢာ်

ပှၤသးစၢ်ဖိ အံၤစဲး ၀ဲး သးအုးထံၣ်ဘၣ်၀ဲဒၣ်လၢ အတၢ်အိၣ်ဖှိၣ် အတၢ်သူၣ်၀ံၣ်သးဆၢတဖၣ် အိၣ်ဒီး တၢ်တလၢတပှဲၤဘၣ်န့ၣ်လီၤႉ အပၢ်တၤအီၤလၢ အကဒုးအိၣ် ထီၣ် တၢ်ဂ့ၤန့ၢ်အန့ၣ်တမံၤမံၤ‚ ဒီးအံၤစဲး မၤ၀ဲလီၤႉ အထါသး၀ံၣ်လၢ အမ့ၢ် ‘‘ထူၣ်ဖျၢၣ်လီၤလး’’ န့ၣ် ဘၣ်တၢ်ကိးအီၤ ဒ်ထါအဒိၣ် ကတၢၢ်လၢ အဲကလံးကျိာ်‚ ဒီးဘၣ်တၢ်ကွဲးကျိာ်ထံက့ၤဆူ ကျိာ်အဂၤအါကျိာ်န့ၣ်လီၤႉ
၀ဲး အထါသး၀ံၣ်သၢဆၢတဆၢ ဆှၢပှၤဆူ ကစၢ်ခရၠာစးံာ်လၢထူၣ်လိၤ အမဲာ်ညါန့ၣ်လီၤႉ

ကွၢ်လၢအစု အခီၣ်‚ အခိၣ်‚
တၢ်အဲၣ်လီၤဆÏဒီး တၢ်သးအုး
တၢ်သးအုးဒီး တၢ်အဲၣ်ဖးဒိၣ်
အိၣ်ဖျါနီၢ်ကီၢ် အန့ၣ်တစု

တၢ်ပျၤထီလၢထူၣ်လိၤလၢ ၀ဲး ပာ်ဖျါ၀ဲ ဂ့ၤဒိၣ်မးအံၤ အိၣ်ဆၢထၢၣ် ဒ်အမ့ၢ် တၢ်စံၣ်စိၤတဲစိၤအကတီၢ်လီၤလးဒိၣ်ကတၢၢ်အသိးန့ၣ်လီၤႉ ဂ့ၤပဆိကတီၢ်တစိၢ်ဖိ ဆၢထၢၣ်သကိး ဒီးပှၤအိၣ်လၢထူၣ်စုညါအဃၢၤ၀း၀းတဖၣ်န့ၣ်လီၤႉ ယွၤအဖိခွါ ဘၣ်တၢ်ဘျးထီဃာ်ဒီး ထးပနဲာ်ဖးဒိၣ်တဖၣ်လၢ အဆဲးဖျိဃာ်အဖံးအညၣ်ပူၤ‚ ဒီးဘၣ်ဂုာ်သါ၀ဲ ကီကီခဲခဲလီၤႉ အကတီၢ်နၣ်ရၠာစးံၣ်လၢ တၢ်မၤနးမၤဖှီၣ်အီၤတဖၣ်၀ံၤ အလီၢ်ခံ တၢ်ခံးတၢ်နၤဖးဒိၣ် ဟဲလီၤ၀ဲလီၤႉ လၢခံကတၢၢ်န့ၣ်…